Soharwardi Malik Family

                        હઝરત શેખ નસિરુદ્દિન મુલતાની રહ. અને તેમના કુટુંબ કબીલાના માણસો જ્યારે હાલ  દસાડા ગામ છે તેના તળાવ ઉપર પડાવ નાંખીને રહ્યા હતા ત્યારે માહે રજબ ની  26મી  તારીખે હિ.સ. 813 ઇ.સ. 1410ના  રોજ  તેમને તેમના કાફલાને ત્યાંના ઝાલા રાણાના માણસોએ  ગૌ હત્યાના આરોપ સર શહિદ કર્યા હતા.ઝાલા રાણાની રાજધાની તે સમયે પાટડી મા હતી. અહેમદશાહ-1 ની  કાઠિયાવાડની ચઢાઇ પછી ઝાલાઓએ રાજધાની કુવા (કંકાવટી) પછી હળવદ અને છેવટે ઇ.સ. 1730 મા ધ્રાંગધ્રા મા સ્થાપી હતી. હઝરત નસિરુદ્દિન મુલતાની રહ. ના કાફલામાંથી ફકત તેમના સગીર વયના પૌત્ર બખ્ત્યારુદ્દિન જેમનુ હુલામણુ નામ અલ્લાહદાદ હતુ જે પાછળથી મલેક બખન તરીકે મશહુર થયા. તે બચી ગયા હતા.તેમને લઈ ને તેમની દાઇ પાટણના મુસલમાન સુલ્તાનના શરણે જવા લઇને નાસી ગયા હતા. રસ્તામાં પંચાસર ગામમા તેમને એક રબારી કુટુંબે આશરો આપ્યો હતો.ત્યાંથી તે પાટણ પહોંચ્યા હતા. આ ભલાઇના બદલામા આજે પણ તે રબારી કુટુંબના સભ્યો હઝરત નસીરૂદીન મુલતાની રહ. ના  વાર્ષિક ઉર્ષ મુબારકના પ્રસંગે પહેલો નેજો મઝારશરીફ ઉપર ચડાવે છે. અને પછી દસાડાના મુખ્ય તિલોટ તાલુકદાર નિશાન ચઢાવે છે.